المنتدى العام لقبائل العبابدة
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


منتديات العبـــــــــــــــــــــــــــــــــــــــــــابدة
 
الرئيسيةالتسجيلدخول

شاطر | 
 

 عريس يابوى ...عريس يا آماى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مــــــــــلك
مشــــــــــرفــة
مشــــــــــرفــة


عدد الرسائل : 18
نقاط : 0
تاريخ التسجيل : 08/04/2008

مُساهمةموضوع: عريس يابوى ...عريس يا آماى   الثلاثاء نوفمبر 25, 2008 9:44 pm

عريس يابوى ..عريس يااماى
طخه بس ماتموتهوش يابوووى

عريس يابوى ..عريس يااماى
طخه بس ماتموتهوش يابوى
والام تقولها عرييييس
بركاتك يا حوسيييييين
لولولولولولولى

هههههههههههههههههههههه

الجمله دىكانت فى فيلم البحث عن فضيحه بتاع عادل امام وميرفت امين
كان فيلم ظريف والله لعدوله حبيب قلبى
ربنا يديله الصحه

المهم ندخل فى الموضوع على طول



الموضوع النهارده بنتكلم فى اكتر من محور

المحور الاول
ليه لما البنت يدوب تدخل فى العشرين يقولوا عنست
والبنت تكون زى الورده لسه

وتسمعلها كلمتين من الاقارب والاصحاب وتنت زوزو
وتنت فيفي بنت عم اخت خاله مش عارف مين
انها عنست وصلت للعشرين ولسه مش اتجوزت

وياسلام لو مش اتقدملها حد فى الفتره دى
كل اللى حواليها يحسسوها انها خلاص عنست
ولازم ولابد تنتحر وتخلص البشريه منها
بالسيف كالمحاربين
او رميا بالشباشب زى شجره الدر
الله يمسيها بالخير



طيب لييييييييه
؟؟؟؟؟؟

المحور التانى
ليه اول ما يتقدم عريس للبنت توافق على طول وتقول عريس يابوى عريس يا امااااى

وبدون تفكير
وعلى فكره البنت دى يبقى اهلها راضيين عليها تمام
عاوزه تفرح اهلها بيها
انما احنا لما نقول عاوزين نفكر
ونشوف تفكيرى مقارب من تفكيره ولا
ايه الظروف
يقولك يابنتى احنا عاوزين نطمن عليكى
وكلام من الحونين دا
وان ماجيتيش بالطريقه دى
يطلقوا الرصاص
وتلاقى مدافع رمضان اتفتحت فى وشك

انتى بتدلعى ليه
دا بكرا لو قولتيلوا لاء هيروح يتجوز ست ستك
طيب مايروح الله يوفقه
بس المهم ابقى مقتنعه بيه
ولا اخفى عليكم
انا الموضوع دا حصل معايا كتير
واهلى حاولوا يجردونى من حق التفكير
واتهمونى انى مش عاوزة اطمنهم عليا بعد عمر طويل باذن الله
فى حين انهم لو يفهموا انى لو وافقت واغلقت على عقلى الابواب والشبابيك ويستحسن الغيه خالص واحط مكانه
طبق مهلبيه بالمخسرات
ومش أفكر فى شئ سوى انى هتجوزه
هفشل فى حياتى لانى مش مقتنعه بالارتباط دا
وبردوا هيبقوا مش مطمنين عليا
يبقى فى الحالتين خربانه خربانه
يبقى خلينى عانس وعندى فرصه 1%انى ألااقى نصى التانى
افضل من انى اخسر كل شئ


المحور التالت
وهو ليه المجتمع الذكورى المتسلط بيحاول يحرمنا من حقنا فى الاختيار
يعنى ليه مش اروح للانسان اللى شايفه انه مناسب ليا
واقوله انى عاوزة ارتبط بيه لانه انسان محترم قوى
وحاسه ان فى تقارب فى التفكير بينى وبينه

؟؟؟؟؟؟؟؟؟؟

وكمان ليه نظره الولد بتبقى انها بنت رخيصه
بتعرض نفسها
؟؟؟؟؟؟؟؟؟

المحور الرابع
ايه رايك فى المثل اللى بيقول
(اخطب لبنتك ولاتخطب لابنك)
هتوافقى ان والدك او اخوكى يقول لو احد كويس
فى نظره انه يجى يتجوزك
؟؟؟؟؟؟؟؟؟

المحور الخامس
ليه انتا كشاب بتزعل لما بنت ترفضك كخطيب ليها
وتحس ان الرفض متعلق بالكرامه

ولو شفتها فى الشارع تبصلها وكانك هتولع
فيها وفى الشارع وفى الراجل اللى
قاعد هناك

هههههههههههه
انا عن نفسى حصلت معايا
اتقدملى واحد كل كلامه انا هجيبلك وهعملك
وهاخدك واجيبك

ومنظره بشكل مستفز
فاكر انى ممكن يبهرنى كلامه دا
فاوافق
وبصراحه حسيت انه مش بيحترم عقليتى وتفكير
فانا بكل صفاقه وتبجح (فى نظر اهلى)
قدام اهلى واهله
فى زيارتهم لينا

قلتله
(انتا فاكر نفسك ممكن تشتري عقلى بفلوسك)
وكلام كتير تانى
لما خدتنى الجلاله وقلته
ههههههههههههههههههههه
وحسيت نفسى عمرو بن الخطاب

وهو بيقول
(متى استعبدتم الناس وقد ولدتهم امهاتهم احرار)
المهم الشاب دا اخر مره شافنى فيها كان خطب
وبمجرد ما شافنى اتحول من واحد صامت الى
واحد بيضحك ويكركر مع خطيبته ويمسك ايدها
قولت لنفسى ربنا يعينه على عقله
مريييض
ولا اخفيكم قولتها بصوت بس
كل اللى فى الشارع سمعوه
مش فى حد تانى
ربنا يستر على عباده

ههههههههههههههههههههه

المحور السادس والسابع والتامن
والتاسع والعاشر
و.........
بإذن الله نناقشه فى
( عريس يا بوى عريس يا اماى 2)

عاوزة مناقشات وحوارااااااات
ولعوا فى التوبيك براحتكم

اتكلموا ...محلا الكلام ...ما ألزمه...وما اعظمه

اتكلموااااااااااااااااااااا
الرجوع الى أعلى الصفحة اذهب الى الأسفل
خالد عطية
مرشح للاشراف
مرشح للاشراف
avatar

عدد الرسائل : 128
العمر : 38
Localisation : السويس
نقاط : 369
تاريخ التسجيل : 23/06/2008

مُساهمةموضوع: رد: عريس يابوى ...عريس يا آماى   الجمعة نوفمبر 12, 2010 7:40 am

الله ينور يا أخت ملك بصراحة روعة
الرجوع الى أعلى الصفحة اذهب الى الأسفل
http://WWW.EGYPTAIR.COM
 
عريس يابوى ...عريس يا آماى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المنتدى العام لقبائل العبابدة  :: قسم المنتديات العامة :: منتدى افتح قلبك-
انتقل الى: